二人成功跨越演商界同為北大校友 張玉珊曾多次任馬浚偉MV女主角

二人成功跨越演商界同為北大校友
張玉珊曾多次任馬浚偉MV女主角
二人成功跨越演商界同為北大校友
張玉珊曾多次任馬浚偉MV女主角
由馬浚偉構思、策劃且主持的清談節目《緣來自咖啡》,是其轄下的小馬工作室首度製作電視特輯,每次邀請不同界別但成就斐然的知名人士出任嘉賓,透過品嚐咖啡,一同分享人生經歷、處世態度,節目製作期間已廣受注目,現已落實在8月3號於mytvSuper及TVB Anywhere同步開播。
其中一集嘉賓是商界女強人張玉珊,由演藝界轉戰商界,創立她的美容修身王國,其經歷與馬浚偉竟不謀而合,「我同張玉珊識咗28年,差不多時間入行,我第二首主打歌《夜長夢多》的MV女主角就係張玉珊,之後好多首歌MV都由她擔演,當年佢有個花名,大家都叫她表妹,因為佢好細個好可愛。我93年入行,佢94年亦出咗唱片,可説是同期歌手,好有緣,亦做咗好朋友,大家有感情。」之後各忙各的,雖不常見面,但偶爾也有聯絡,今次馬仔做節目邀請嘉賓,張玉珊好爽快的一口應允,大家傾談甚為開心,更相約疫情過後多些見面,聯絡一班昔日好友如GiGi(黎姿)等聚舊,當年屬同一間唱片公司呢!
原來馬仔同張玉珊還有另一種緣份。「樂壇上我係前輩,比佢早出碟;在學業上佢係學姐,因為佢比我更早在北京大學畢業(EMBA),非常有緣。我真係好佩服佢,一個女仔做生意咁成功,年紀輕輕已是上市公司主席,喺佢身上睇到嗰份衝勁、紀律及自我高要求。我覺得我哋性格相似,好多方面都夾得到,佢爽快,好多嘢一講就OK,二話不說,做朋友盡在不言中,見到佢依然咁靚咁fit,真戥佢開心。」
張玉珊亦覺得自己同馬仔很有緣,認識那麼多年,感覺他很了解自己。「可能我哋係同星座,有啲想法,只要講丁點,佢已經完全明白,我哋有好多相同經歷,既是藝人又做生意,更不停讀書進修,太相似了,所以有數不盡的話題。今次很開心能參與呢個由佢親自構思製作的節目,一齊在鏡頭前深入交談交流。」
兩個好朋友,兩個CEO,兩個俊男美女的組合,香濃咖啡薰染下,會擦出什麼樣的火花呢?馬仔感謝張玉珊坦率分享個人經歷處事態度,非常正能量,好值得學習,相信對大家會有所啓發,疫境中所有人都要加油!
播放平台:myTV SUPER
日期: 8月3日起( 逢星期一《緣來自咖啡》專區上架)
海外播放平台:
TVB Anywhere及TVBAnywhere+
日期: 8月3日起 (逢星期一,點播區上架)
TVB Anywhere 全球播放 (中國大陸、香港及越南除外)
更多相關報導: